တရုတ်နှစ်သစ်ကူးပိတ်ရက်လေးတွေနဲ့အတူ ရွာကို တစ်လလောက်ပြန်ဖြစ်သွားပါတယ်။ June လတုန်းလဲ (၄)ရက်လောက် ရောက်၊ပြန် ပြန်သွားသေးတယ်။ သားကိုမွေးတုန်းကပေါ့။ မိန်းမကိုလဲ မျက်နှာပြရင်း၊ သားကိုလဲ ကြည့်ချင်၊ ချီချင်လို့ ပြန်ချသွားတာ သုခကမ္ဘာဆေးရုံမှာတင် (၄)ရက်သာ အချိန်ကုန်သွားပါ တယ်။ ဘယ်မှ မရောက်ဖြစ်ပါဘူး။ အခုရော ဘယ်တွေရောက်သလဲလို့ မေးရင်လဲ ဘယ်မှမရောက်ဖြစ်ပါ ဘူးလို့ ဖြေရမှာပါပဲ။ ဘာဖြစ်လို့လဲဆိုတော့ အပြင်မထွက်ချင်လောက်အောင် အရမ်းပူလို့ပါ။
ပူတော့ ဘယ်ကိုမှလဲ မသွားချင်ပါဘူး။ ခရီးဝေးဆိုတာ ဝေလာဝေးပေါ့။ မိဘတွေရှိတဲ့ အင်းစိန်ကိုပဲ သွားဖြစ် ပါတယ်။ နေ့လယ်နေ့ခင်းတွေမှာတော့ သားကို ထိန်းလိုက်၊ ချီလိုက်၊ သားနဲ့ကစားလိုက်ပေါ့။ သားက ကျွန်တော်ပြန်ရောက်တဲ့ အချိန်မှာ(ဂ)လကျော်သွားပါပြီ။ စကားတွေလဲ ဝူးဝူး၊ဝါးဝါးနဲ့ ပြောနေတော့တာပါပဲ ။ ဆော့လည်း တော်တော်ဆော့တယ်။