၂၀၁၁ ခုနှစ် ပြည်သူ့ဂုဏ်ရည်ဆုရှင်

ပြည်တွင်းရှိ လူမှုလုပ်ငန်း စေတနာ့ဝန်ထမ်းစွမ်းဆောင်သူများမှ နောက်ဆုံးဆန်ကာတင် ၅ ဦးအနက် ဆန္ဒမဲအများဆုံး ရရှိသူတဦးကို ရွေးချယ်ကြသည့် ပြည်သူ့ဂုဏ်ရည် ချီးမြှင့်ဂုဏ်ပြု အစီအစဉ်ကို မေလ၁၅ရက် က ကျင်းပပြီး ဒေါ်ရှု ကို ဆန္ဒမဲအများဆုံးဖြင့် ရွေးချယ်လိုက်သည်။

ပြည်သူ့ဂုဏ်ရည် ချီးမြှင့်ဂုဏ်ပြု အစီအစဉ်၏ နောက်ဆုံး ဆန်ခါတင် ၅ ဦး စာရင်းကို ထုတ်ပြန်ပြီး မေလ ၁၄ရက် ၂၀၁၁ခုနှစ် ညသန်းကောင်ယံအချိန်အထိ အင်တာနက်မှတဆင့် အများပြည်သူထံက ဆန္ဒအရှိဆုံး မဲများကို လက်ခံခဲ့ပြီး ဖြစ်သည်။ နောက်ဆုံး စာရင်းပိတ်ပြီးနောက် စုစုပေါင်း လက်ခံရရှိသည့် မဲအရေအတွက်ကို Westwood College – Prof. R. Hoo ခေါင်းဆောင်သည့် စိစစ်ရေးအဖွဲ့က အောက်ပါအတိုင်း အသိပေးထုတ်ပြန်လိုက်သည်။

၂၀၁၁ ခုနှစ် ပြည်သူ့ဂုဏ်ရည်ဆု ရရှိသူ ဒေါ်ရှုအား ဂုဏ်ပြုဆု နှင့်အတူ ငွေသား အမေရိကန်ဒေါ်လာ တစ်သောင်း ချီးမြှင့် ဂုဏ်ပြုမှာ ဖြစ်ပြီး ကျန် နောက်ဆုံး ဆန်ကာတင် အဆင့်ဝင်များကို ဂုဏ်ပြုမှတ်တမ်းလွှာနှင့် အမေရိကန်ဒေါ်လာ တထောင်စီ ချီးမြှင့် ဂုဏ်ပြုသွားမည် ဖြစ်သည်။ လာမည့် ၂၀၁၂ ခုနှစ် ပြည်သူ့ဂုဏ်ရည် ဂုဏ်ပြုပွဲ အခမ်းအနားကို အမေရိကန်နိုင်ငံ နယူးယောက်မြို့ တွင် ကျင်းပမည် ဖြစ်ပါသည်။

မဲပေးကြသည့် နိုင်ငံစုစုပေါင်း = ၄၀ နိုင်ငံ
စုစုပေါင်း လက်ခံရရှိသည့် မဲအရေအတွက် = ၂၅၀၂၂၈ မဲ
    ပထမ မဲအများဆုံး ရရှိသူ - စုစုပေါင်းမဲ၏ ၄၃.၉၁ %
    ဒုတိယ မဲအများဆုံး ရရှိသူ - ၂၅.၇၅ %
    တတိယ မဲအများဆုံး - ၁၅.၃၆ %
    စတုတ္ထ မဲအများဆုံး - ၁၀.၃၇ %
    ပဉ္စမ မဲအများဆုံး - ၀.၃၉ % ဖြစ်ပါသည်။

ဆန္ဒမဲလာရောက်ပေးကြသည့် ဧည့်ပရိသတ် ၀င်ရောက်မှု အများဆုံး နိုင်ငံများမှာ -

    ၁။ အမေရိကန်ပြည်ထောင်စု - စုစုပေါင်းမဲ၏  ၄၁.၁၀ %
    ၂။ စင်ကာပူ - ၂၁.၈၆ %
    ၃။ ထိုင်းနိုင်ငံ - ၆.၄၆ %
    ၄။ ဂျပန် - ၃.၁၆%
    ၅။ သြစတြေးလျ - ၃.၀၈ %
    ၆။ မြန်မာနိုင်ငံ - ၁.၁၃ % 

   ( ဒုတိယအကြိမ် ပြည်သူ့ဂုဏ်ရည်ဆုပေးအပ်ပွဲ ကျင်းပရေးကော်မတီ )

ဗိုလ်ချုပ်အောင်ဆန်း

၁၉၁၅ ၊ ဖေဖော်ဝါရီ (၁၃) - ၁၉၄၇ ၊ ဇူလိုင် (၁၉)

အသက် ၃၂ နှစ်တွင် လုပ်ကြံခံခဲ့ရသည်

မွေးသက္ကရာဇ် ၁၉၁၅-ခုနှစ်၊ဖေဖော်ဝါရီ(၁၃)ရက်

မိဘများ ဦးဖာ + ဒေါ်စု

ငယ်အမည် ထိန်လင်း

မွေးဖွားရာဒေသ - နတ်မောက်မြို့၊ မကွေးတိုင်း

ကွယ်လွန်ရာဒေသ - ဝန်ကြီးများရုံး၊ ရန်ကုန်၊ ရန်ကုန်တိုင်း

ရာထူးအလုပ်အကိုင် - ဗိုလ်ချုပ်


လူသိများခြင်းမှာ မြန်မာပြည် ဗြိတိသျှ အုပ်ချုပ်မှု လက်အောက် နှင့် ဂျပန်များ အုပ်ချုပ်မှု လက်အောက်မှ လွတ်လပ်ရေးရအောင် ကြိုးပမ်းခဲ့သော အာဇာနည် တစ်ယောက်ဖြစ်သည်။

ကိုးကွယ်သည့် ဘာသာ - ဗုဒ္ဓဘာသာ

တည်ထောင်ခဲ့သည့် အဖွဲ့အစည်း - ဗမာ့လွတ်လပ်ရေးတပ်မတော်၊

ဗမာ့ကာကွယ်ရေး တပ်မတော်

ဖ.ဆ.ပ.လ

တိုက်ခိုက်ခဲ့သည့် စစ်ပွဲများ အဖွဲ့အစည်း - ဒုတိယကမ္ဘာစစ်၊ မြန်မာပြည်လွတ်မြောက်ရေး

ဗိုလ်ချုပ်အောင်ဆန်း (၁၉၁၅-ခုနှစ် ဖေဖော်ဝါရီ ၁၃ ရက် - ၁၉၄၇-ခုနှစ် ဇူလိုင်‌ ၁၉ ရက်) သည် မြန်မာနိုင်ငံ၏ အမျိုးသားသူရဲကောင်း၊ တော်လှန်ရေးသမား၊ မျိုးချစ်ပုဂ္ဂိုလ်၊ တပ်မတော်၏ ဖခင်ကြီး၊ဗိုလ်ချုပ်နှင့် နိုင်ငံရေးသမား ဖြစ်သည်။ သူ၏ ဖခင်မှာ ရှေ့နေဦးဖာနှင့် မိခင်မှာ ဒေါ်ခင်စု ဖြစ်ကြပြီး ထိုစဉ်အခါ ဗြိတိသျှအိန္ဒိယနိုင်ငံတွင် ပါဝင်ခဲ့သော မြန်မာနိုင်ငံ အလယ်ပိုင်း၊ မကွေးခရိုင်၊ နတ်မောက်မြို့တွင် မွေးဖွားခဲ့သည်။ သူ၏ မိဘမျိုးရိုးတွင် အဖိုးဖြစ်သူမှာ ဗိုလ်မင်းရောင် ဖြစ်ပြီး ၁၈၈၆-ခုနှစ် နယ်ချဲ့ ဗြိတိသျှတို့အား တော်လှန်ရေး လှုပ်ရှားမှုများတွင် ပါဝင်ခဲ့သည်။ မွေးချင်း ၉ ယောက်အနက် အငယ်ဆုံး ဖြစ်သည်။

 အမည်

ဗိုလ်ချုပ်အောင်ဆန်း၏ ဆွေစဉ်မျိုးဆက် ဇယားဇာတာတွင် ပါရှိသည့် အမည်မှာ မောင်ထိန်လင်း ဖြစ်သည်။ သို့ရာတွင် သူ့အား မည်သည့်အခါ ကမျှ ထိန်လင်းဟုမခေါ်ဟု အစ်ကိုဦးအောင်သန်းက ပြောဆိုခဲ့ဖူးသည်။ နောင်အခါ၌ အစ်ကို ကိုအောင်သန်းနှင့် နာမည်လိုက်အောင် မောင်အောင်ဆန်းဟု ခေါ်တွင်လေသည်။ ဒို့ဗမာအစည်းအရုံး ဝင်ရောက်သောအခါ သခင်အောင်ဆန်း ဖြစ်လာခဲ့သည်။ သခင်အောင်ဆန်း၏ ဂျပန်အမည်မှာ အိုမိုဒါမွန်ဂျိ ဖြစ်သည်။ ထိုင်းနိုင်ငံ ဗန်ကောက်မြို့တွင် ရဲဘော်သုံးကျိပ်ဝင်များ ဗိုလ်အမည်ခံရာတွင် ဗိုလ်တေဇ ဖြစ်လာခဲ့သည်။ တိုင်းပြည်နှင့် လူမျိုးအတွက် နိုင်ငံရေး ဆောင်ရွက်ရာတွင် ဗိုလ်ချုပ်အောင်ဆန်းအမည် ဖြင့်ထင်ရှားသည်။

ဗိုလ်ချုပ်၏ မွေးချင်းများမှာ-

မခင်ညွန့် (လယ်ဝန်ကတော်) ကွယ်လွန်၊

မ၀က် (အိမ်ထောင်မပြု) ကွယ်လွန်၊

မောင်ဘ၀င်း ဘီအေ-ဘီအက်စ်စီ (ဗိုလ်ချုပ်တို့နှင့်အတူ လုပ်ကြံခံရ)၊

ဗိုလ်ချုပ်ပြောတဲ့ ဆိတ်လစေ့

(၂၂.၂.၁၉၄၇ရက်နေ့ထုတ်ဖ.ဆ.ပ.လသတင်းစဉ်အတွဲ(၁)၊အမှတ်(၁၂)မှရာကျော် ရေးသားသော ဆိတ်လစေ့ဋီကာနှင့် ဗိုလ်ချုပ်၏အာဘော်ကို မူရင်းအတိုင်း ပြန်လည်ဖော်ပြခြင်းသာဖြစ်ပါသည်။)

"ဆိတ်လစေ့သဘော"

ကျွန်တော်ငယ်ငယ်က လူတစ်ယောက်ကိုတွေ့ဖူးပါသည်။ ထိုလူကိုအရပ်က ဆိတ်လစေ့(ဆိတ်ဂွေး)ဟု 

ပြောင်လှောင်ခေါ်ဝေါ်ကြပါသည်။ ထိုလူ၏ကိုယ်အမူအရာ၊နှုတ်အမူအရာ၊ နုလုံးသားအမူအရာတို့ကို သေ ချာစွာ လေ့လာသောအခါ ဤသို့တွေ့ရပါသည်။

ထိုလူသည် သူ့အကျိုးစီးပွားအတွက် အရပ်ထဲရှိ  သြဇာတိက္ကမရှိသူတစ်ဦးထံသွား၍ လက်အုပ်ချီခြင်း ၊ ချီး မွမ်းထောပနာခြင်းတို့ကို ပြုပါသည်။ ထိုအခါ ထိုသူ့ထံမှ သူ စားရသောက်ရရှိပါသည်။ ထိုလူသည် မကြာမီ အတွင်းပင် သြဇာလက်လွတ်ဖြစ်၍ ထိုလူနှင့်ဆန့်ကျင်ဖက်ဖြစ်သူ လူသစ်တစ်ဦး သြဇာတိက္ကမနှင့်ပြည့်စုံ လာလေသည်။

ဆိတ်လစေ့လည်း လူသစ်ထံသွား၍ အထက်ပါအတိုင်းပြုပါသည်။ ထိုအခါ စားရ၊သောက်ရရှိပြန်ပါသည်။ တစ်ဖန်မကြာမီအတွင်းပင် ပထမလူသည် သြဇာတိက္ကမပြန်ရလာ၍ ဒုတိယလူမှာသြဇာတိက္ကမ လက် လွတ်ဖြစ်ပြန်ပါသည်။ ဆိတ်လစေ့လည်း ပထမလူဆီသွားပြန်၍ ဒုတိယလူကို ပုတ်ခတ်ပြောဆိုကာ စားပြန် ပါသည်။

တစ်ဖန်ဒုတိယလူသည် သြဇာတိက္ကမရလာပြန်၍ ပထမလူသည်သြဇာတိက္ကမလက်လွတ်ပြန်ပါသည်။ ဆိတ်လစေ့လည်း ဒုတိယလူထံသွား၍ ပထမလူကိုပုတ်ခတ်ပြောဆိုကာ စားပြန်ပါသည်။ ဆိတ်လစေ့ အခေါ်ခံရသူသည် ဤနည်းနှင်နှင် ဟိုကပ်၊သည်ကပ်ပြုကာ စားလေ့သောက်လေ့ရှိပါသည်။ ဆိတ်လစေ့ ဟူသော မြန်မာတို့ဝေါဟာရ၏အနက်ကို ဆိတ်လစေ့အခေါ်ခံရသူ အထက်ပါလူ၏အမူအရာတို့နှင့်ဟပ်၍ ဆင်ခြင်ကြည့်ပါက ဤလိုတွေ့နိုင်ပါသည်။

ထိုလူမျိုးသည် သာရာစား၊ သာပေါင်းညာစား ၊မြေနိမ့်ရာလှံစိုက်တတ်သူဟုဆိုရပါမည်။ ထိုလူသည် သူ့အကျိုး သက်သက်ကိုသာကြည့်သူဖြစ်ပါသည်။ အများ၏အကျိုးကို ကြည့်သူမဟုတ်ပါ။ ထိုသူသည်အစား အစာမြင်    သာလမ်းကိုသာ လိုက်သူဖြစ်ပါသည်။ ထိုလူမှာ ကိုယ့်ဖို့ကိုယ်သာကြည့်သော ညာဉ်ရှိပါသည်။ ထိုလူသည် သတ္တိနည်းသောသူဖြစ်ပါသည်။

"ဗိုလ်ချုပ်၏အာဘော်"

ဗိုလ်ချုပ်အောင်ဆန်းသည် အချို့အချို့သောသတင်းစာတို့ကို ဆိတ်လစေ့သတင်းစာဟု သမုတ်လိုက်သည် မှာ ယခုဖော်ပြခဲ့သောလူ၏အမူအရာနှင့်တူသောကြောင့် သမုတ်လိုက်သည်ဟု ကျွန်တော်ယူဆပါသည်။ ဗိုလ်ချုပ်သည် အဖြူသမားသက်သက်ကိုလည်း အပြစ်မပြောလိုပါ။ အမဲသမားသက်သက်ကိုလည်း အပြစ် မပြောလိုပါ။ အဖြူဝါဒသမားရှိလျှင် အမဲဝါဒသမားရှိမြဲဟူသော ဓမ္မတာကို ဗိုလ်ချုပ်နားလည်လက်ခံ သည်ဟု ယူဆပါသည်။

ဗိုလ်ချုပ်သည် အဖြူဝါဒသမားသက်သက်ကို ရိုသေသလောက် အမဲဝါဒသမားသက်သက်ကိုလည်း ရိုသေ တတ်သူဟုလည်း ယူဆမိပါသည်။ အဖြူယောင်ယောင်၊အမဲယောင်ယောင်၊တောင်လိုလို၊မြောက်လိုလိုလုပ်၍ ကိုယ့်အကျိုးခံစားမှုကိုရှေ့ရှုရှာကြံနေသူကိုသာ၎င်း၊ အခုစာကလေးကြော်၊ အခုထမင်းကြော်လုပ်တတ်သူကို ၄င်း၊ ဗိုလ်ချုပ်က ဆိတ်လစေ့ဟုသမုတ်လိုက်ခြင်းဖြစ်ဟန်တူပါသည်။

ဟိုပါတီဘက်သားလိုလို၊ ဒီပါတီဘက်သားလိုလုပ်၍ သာရာဘက်နှင့်ပေါင်းပြီး စားသောက်ဟင်းမျိုလိုသူမျိုး ကိုသာ ဗိုလ်ချုပ်ကဆိတ်လစေ့ ဟု သမုတ်လိုက်ခြင်းလည်းဖြစ်ဟန်တူပါသည်။

"ဆိတ်လစေ့တစ်မျိုးစီ"

မောင်သုမန၏ ဆိတ်လစေ့မျိုးသည် အထက်ပါဆိတ်လစေ့မျိုးနှင့်လားလားမျှ မတူပါ။ မောင်သုမန၏ ဆိတ် လစေ့မှာ တကယ့်ဆိတ်လစေ့၊ အအောင့်အနာခံကာ ပုတ်ခတ်ပေးတတ်သော ဆိတ်လစေ့၊ မဂိုတန်းက ဆိတ်လစေ့သာဖြစ်ပါသည် ။မောင်သုမန၏ဆိတ်လစေ့ဋီကာမှာ ဟဒယရွှင်ပြုံးဖွယ်ဖြစ်ပါ၏။ ရွှင်ပြုံးကြပါ။ ရွှင်ပြုံးအောင် ရေးတတ်သူကိုလည်း ချီးမွှမ်းထိုက်ပါသည်။

မောင်သုမနမှာ စာရေးကောင်းသူတစ်ယောက်ဖြစ်လေသည်။ သို့ရာတွင် စာရေးကောင်းတိုင်းလည်း အကြောင်းဟုတ်ချင်မှ ဟုတ်လေသည်။ ကျွန်တော်အဘို့ကား ရွှင်ပြုံးရပါ၏။ ကျွန်တော်လည်း ပုထုဇဉ်ဖြစ် သဖြင့် ရွှင်ပြုံးစရာရှိလျှင် မရွှင်ပြုံးပဲမနေနိုင်ပါ။

သို့ရာတွင် ရွှင်ပြုံးရုံမျှနှင့်မကြေနပ်နိုင်ပဲ အကြောင်းဟုတ်သည်၊မဟုတ်သည်ကို စဉ်းစားဆင်ခြင်လေ့ရှိသဖြင့် ဗိုလ်ချုပ်သမုတ်လိုက်သောစကားသည် နိုင်ငံ၏အကျိုးထက် မိမိ၏အကျိုးစီးပွားတိုးတက်မှုကို ပို၍ကြည့်သော ၊ အချို့အချို့သောသတင်းစာတို့ကို၎င်း၊ အဖြူကိုလက်ကမ်း၍ အမဲကိုလှမ်းနေသော အချို့အချို့သော သတင်းစာတို့ကို၎င်း ထိုက်တန်လှပေသည်ဟု ယူဆပါကြောင်း......။        ။

ကြက်ဖနှင့်နေမင်း

ကြက်ဖနှင့်နေမင်း

တစ်နေ့နံနက်
တစ်မနက်တွင်
ကြက်နဲ့နေမင်း
ပြိုင်ဆိုင်ငြင်း၍
အချင်းများခဲ့ဖူးပါသည်။

အိမ်ခေါင်တန်းထက်
တောင်ပံနှက်၍
ရွှေကြက်ဖကြီး
အောက်အီးအီးဟု
တွန်ပြီးသရော်
ရှေ့ဖက်မျှော်၍
ရဲဘော်နေဝန်း
အိပ်ရာခန်းက
ထွက်မြန်းဖို့သင့်
အချိန်လင့်ဟု
ဟန်နှင့်ပန်နှင့်
ဆိုလိုက်သည်။

ငါ့သူငယ်တော်
ရောင်နီပေါ်၍
ရဲဘော်ကြက်ဖ
အိပ်ရာထကာ
တွန်ရပါသည်။
ငါသာမနှိုး
သင်မနိုးဟု
မိုးဝရှေ့ဆီ မျက်နှာနီနှင့်
အဆီဝင်းဝင်း၊
ရှင်နေမင်းက
ငြင်းဆန်ချေပလိုက်ပါသည်။

ငါတွန်လို့ သင်နိုး၊
ငါနှိုးလို့ သင်တွန်၊
ငြင်းဆန်ချေပ၊
ချီချပြောကာ
နေခိုက်ခါတွင်
လယ်မှာယောင်္ကျား
လယ်သမားသည်
လယ်နွားကိုဖြုတ်၊
လယ်တင်းကုပ်သို့
လယ်လုပ်နားရန်
ခဏပြန်သည်
တာဝန်တစ်ခန်းပြီးခဲ့ပြီ။     ။

မင်းသုဝဏ်
ဆေးတက္ကသိုလ်(၁)နှစ်လည်မဂ္ဂဇင်း၊
၁၉၇၂-၇၃

ပြင်ဆင်နေချိန်ခဏ..

ပြင်ဆင်နေချိန်အတွင်းမို့ တောင်းပန်ပါတယ်။ ဒီနေ့မှ ပြန်ပြီးအသက်ဝင်လာလို့ပါ။ ဒါတောင်မနည်းလုပ်ထားရတာ။ အနှောက်အယှက်က များတယ်လေ။

ေ​အာင်ဆ​န်း​ဇာ​န​ည်

ဖေဖော်ဝါရီဆယ်သုံးမှာ

ဗိုလ်ချုပ်မွေးနေ့ပါ

တစ်ထောင့်ကိုးရာတစ်ဆယ့်ငါး

ရှေ့နေဦးဖာသား

ဇာတိနတ်မောက်မကွေးခရိုင်

သိကြများခုတိုင်

ကြံ့ကြံ့ခိုင်လို့ ဇာနည်ဖွား

မိခင်ဒေါ်စုသား

တစ်ထောင့်ကိုးရာလေးဆယ့်ခွန်

ပြောင်းကြွတမလွန်

မျက်ရည်သွန်လို့ ဘဝင်ညှိုး

ဇူလိုင်တစ်ဆယ့်ကိုး

ပြည်ထောင်စုရဲ့ကျေးဇူးရှင်

ဗိုလ်ချုပ်တို့ဖခင်

ကောင်းစေချင်တဲ့မှာစကား

ငါတို့မမေ့အား။

ပါပါးနဲ့တွေ့ချင်တယ်...ပါပါးလို့ခေါ်ချင်တယ်

တစ်နှစ်ကူးပြန်ပြီ။ အချိန်တွေက ကုန်လွယ်လွန်းလိုက်တာ။ တစ်ရက်ပြီး တစ်ရက်၊ တစ်လပြီး တစ်လ၊ တစ်နှစ်ပြီး တစ်နှစ်....။ ဒီနှစ်ထဲမှာ ဘာတွေပြောင်းလဲခဲ့သလဲ... ဘာတွေပိုင်ဆိုင်ခဲ့သလဲ... ဘာတွေ ဆုံးရှုံးခဲ့ သလဲ...လို့ စဉ်းစားကြည့်တော့ ဆုံးရှုံးမှုတွေနဲ့ကြုံတွေ့ခဲ့ရတဲ့နှစ်လို့ပဲ သတ်မှတ်ရတော့မယ်။ ပိုင်ဆိုင်မှုဆိုတာ ကတော့ အသက်တစ်နှစ် ပိုရလာပါတယ်။ ပြီးတော့ အချိန်တွေပေါပေါများများ ပိုလာပါတယ်။ ပိုင်ဆိုင်မှု ထက်စာရင် ဆုံးရှုံးမှုတွေနဲ့အတူလက်တွဲပြီး နေ့ပေါင်းများစွာကျော်ဖြတ်ခဲ့ရပါတယ်။

အဲဒီ့နေ့ရက်တွေမှာ စိတ်ဓါတ်ခွန်အား၊ ရုပ်ဝတ္ထုခွန်အားပေးခဲ့ကြတဲ့ သူငယ်ချင်းတွေကို ကျေးဇူးတင်ပါတယ်။ ဘယ်နေ့၊ ဘယ်အချိန်အထိ ဖြတ်သန်းသွားရလိမ့်မယ်ဆိုတာ မသိပါဘူး။ စိတ်ဓါတ်ကျသွားရင် ရုပ်ကိုပါ ထိခိုက်သွားနိုင်တာမို့ စိတ်တင်းထားရပါတယ်။ ဖြစ်ချင်တာတွေ မဖြစ်လာတဲ့အခါ ဖြစ်လာတာကိုပဲ ဖြစ်သလို နေတတ်အောင် အားထုတ်နေရပါတယ်။

ဖြစ်ချင်တာကိုပြောပါလို့ အခုမေးလာခဲ့ရင် သားလေးနဲ့တွေ့ချင်တယ်လို့ ဖြေရမှာပါပဲ။ သားကိုမွေးတော့မှ နှစ်ခါပဲတွေ့ရပါသေးတယ်။ ပထမတစ်ခါက သားကိုမွေးတုန်းက ခွင့်(၄)ရက်ယူပြီးသွားတွေ့တာ။ နောက်တစ် ကြိမ် ၂၀၁၀ တရုတ်နှစ်သစ်ကူးမှာ ခွင့်တစ်လယူပြီးသွားတော့ သားက (၉)လပဲရှိသေးတယ်။ လမ်းလျှောက် ဖို့ မပြောနဲ့...ဝမ်းလျားမှောက်တတ်၊ ထိုင်တတ်ရုံပဲရှိသေးတာလေ။ အခုသားက တစ်နှစ်ခွဲရှိသွားပြီ။ စကား ပြောနေပြီ။ သွားလေးတွေ ပေါက်နေပြီ။ ဂျောင်းဂျောင်း၊ဂျောင်းဂျောင်းနဲ့ လျှောက်ပြေးဆော့နေပါပြီ။

ဟိုတစ်နေ့က အိမ်ကိုဖုန်းဆက်တော့ ကျွန်တော့်ဇနီးနဲ့စကားပြောဖြစ်ပါတယ်။ သားက စကားတွေ အရမ်း တတ်နေပြီလို့ပြောပါတယ်။ ပါပါး၊ မာမား၊ အာရီ(အဒေါ်)၊ ဘေဘေးလို့ ခေါ်ပြောတတ်နေပြီတဲ့။ မနေ့က ကျွန်တော့်ခယ်မရဲ့သမီးလေးက သူအဖေပြန်လာတော့ ပါပါး..ပါပါးနဲ့ဆီးကြိုပြီး ခေါ်ပြောနှုတ်ဆက်လိုက် တော့ သားက ကျွန်တော့်ဇနီးကိုကြည့်လိုက်၊ သူ့ဦးလေး(ကျွန်တော့်မယားညီအကို)ကိုကြည့်လိုက်နဲ့ မျက်နှာ ငယ်လေးနဲ့ဖြစ်နေတယ်လို့ပြောပါတယ်။ ကျွန်တော့်ဇနီးပြောတာ ကြားရတော့ စိတ်ထဲမှာ မကောင်းဘူး။

တစ်နေ့လုံး နေလို့၊ထိုင်လို့ မရဘူး။ ဟုတ်တာပေါ့။ သားက သူ့ပါပါးဆိုတာကို ဓါတ်ပုံထဲမှာပဲ တွေ့ဖူးနေရ တာကိုး။ အပြင်မှာ သူနဲ့ရွယ်တူ သူ့ညီမလေးက ပါပါး၊ပါပါးလို့ခေါ်နေတော့ သားလဲခေါ်ချင်ရှာမှာပေါ့။ ဒါပေမဲ့ သားရဲ့ပါပါးက အဝေးမှာရောက်နေတာကိုး။ ပါပါးပြန်ချင်တိုင်းလဲ ပြန်လို့မရဖြစ်နေတာကို သားက ဘယ်သိ ပါ့မလဲ။ သားလေးရဲ့ ပါပါးလို့ခေါ်တဲ့အသံကို ကြားချင်တာပေါ့။ အဲဒီ့ညက အိမ်မက်မက်ပါတယ်။ အိမ်မက်ထဲမှာ သားက “ ပါပါးနဲ့တွေ့ချင်တယ်၊ ပါပါးလို့ခေါ်ချင်တယ် ” လို့ သူ့အမေကို ပူစာနေသတဲ့။