တစ်ခါက စင်္ကာပူနေ့များ (၂)

စင်္ကာပူရောက်ပြီး (၆)လလောက်ကြာတော့ ကျွန်တော့်ရဲ့ငယ်သူငယ်ချင်း မင်းအောင်နဲ့ပြန်ပြီးတွေ့ရပါတယ်။ အရင်တုံးက ဂစ်တာတီးဖက်၊သီချင်းဆိုဖက်ပေါ့။ မှတ်မိပါသေးတယ်။ တစ်ခါက အင်းစိန်ထောင်ဝင်းထဲ ညဘက် သူငယ်ချင်းတွေနဲ့ဂစ်တာတီးပြီး သီချင်းတွေအော်ဆိုကြတော့ ထောင်ပိုင်ကြီးလိုက်ဖမ်းလို့ ထွက်ပြေးကြ ရပါတယ်။ ထွက်သာပြေးကြရတယ်....မင်းအောင်ရဲ့အဖေက ထောင်မှူးကြီးဖြစ်ပြီး နောက်သူငယ်ချင်း တစ်ယောက်ဖြစ်တဲ့ ဆွေမျိုးကျော်ရဲ့အဖိုးကတော့ ကျွန်တော်တို့ကိုလိုက်ဖမ်းခိုင်းတဲ့ ထောင်ပိုင်ကြီးဦးစိန်ဌေး ဖြစ်ပါတယ်။ အခုတော့လည်း လွမ်းစရာလေးတွေပေါ့။



မင်းအောင်နဲ့ပြန်တွေ့ကြတော့ သူတို့ကအဖွဲ့လေးတစ်ဖွဲ့ဖွဲ့ထားကြပြီး ဒီမှာလိုက်တီးနေကြပါတယ်။ Ex-RIT ပွဲတွေနဲ့ သင်္ကြန်ပွဲတွေမှာ တီးပြီးနေကြပါပြီ။ တီးဝိုင်းခေါင်းဆောင်ကတော့ စာရေးဆရာကြီး ဦးအောင်သင်းရဲ့ သား ကိုအောင်မြိုင်သင်းပါ။ မင်းအောင်က Lead Guitar တီးပါတယ်။ ရဲမြင့်ကတော့ Bass Guitar တီးပါတယ်။ စိုင်းကျောက်ကတော့ Drum တီးပြီး ဆရာကြီး(ကိုအောင်မြိုင်သင်း)ကတော့ Rhythm တီးပါတယ်။ Band ကို တော့ The Candle လို့ အမည်ပေးထားပါတယ်။

သူတို့တစ်တွေ Jumping လုပ်ကြတော့ ကျွန်တော်လဲလိုက်သွားဖြစ်ရင်းကနေ သီချင်းဆိုဖြစ်သွားပါတယ်။ နဂို ကလည်း ပိုးရှိတာကိုး။ ကောင်းတာ၊မကောင်းတာ အသာထားလို့ ဆိုင်းသံကြားတာနဲ့တင် ဒီကကောင်က.....က ချင်နေပြီ။ သူတို့အဖွဲ့က မိတ်ဆွေတစ်ယောက်ဖွင့်ထားတဲ့ မြန်မာ Beer Pub လေးတစ်ခုမှာ တစ်လနှစ်ခါ လောက် Weekend တွေမှာ Promotion သွားလုပ်ပေးရမယ်။ Unplugged လေးပေါ့။ ဆိုင်နာမည်ကတော့ Myanmar Melody လို့ခေါ်ပြီး Peninsula နားက Adelphi Building ရဲ့ Basement မှာ ဖွင့်ထားတာပါ။


ဆိုင်ပိုင်ရှင်တွေကတော့ ကျွန်တော့်ရဲ့ချစ်အကိုကြီး ကိုတင်ဇော်ဦးနဲ့ မအေးတို့ လင်မယားပဲဖြစ်ပါတယ်။ အရမ်း လဲ သဘောကောင်းကြပြီး ကျွန်တော်နဲ့ဆိုရင်တော့ စိတ်ကောက်ဖော်၊စိတ်ကောက်ဖက်တွေပေါ့။ ကိုတင်ဇော်ဦး ကို ချစ်စနိုးနဲ့ ကိုဗိုက်လို့ခေါ်ကြပါတယ်။ ကျွန်တော်တို့(၆)လလောက်ဆိုအပြီးမှာ ဆိုင်လဲ ပိတ်လိုက်ပါတော့ တယ်။ (ဟီး..ဟီး..ကျွန်တော်ဝင်ဆိုလိုက်လို့လားတော့ မသိဘူး)အခုတော့ သူတို့ဆိုင်မှာဆိုကြတဲ့ Saturday Nights တွေကို သတိရနေပြီး Boat Quay က Saturday Night Dinner လေးတွေကိုလဲ အရမ်းလွမ်းနေ မိပါတယ်။